07.07.2026.

Нашите „симовци“ се вистински „махери“: Познати се победниците во пинг-понг!

Натпреварите се одржаа во две возрасни категории – родени 2011 и 2014 година, а гледачите уживаа во многу неизвесни и квалитетни мечеви.

Плазма Спортските игри за млади оваа година за првпат се одржаа во Македонија, а најмладите спортисти имаа можност бесплатно да се натпреваруваат во десет спортски дисциплини. Една од нив беше и пинг-понгот, каде што младите натпреварувачи ги покажаа своите вештини, талент и спортски дух.

Во категоријата родени 2011 година, златниот медал на Државното првенство го освои Мартин Ристески од Прилеп, сребрениот му припадна на Кристијан Митев од Битола, додека бронзата ја освои Стефан Тодоровски од Велес.

Кај девојчињата во истата категорија, најдобра беше Бојана Јовевска од Пехчево, а второто место го освои Нина Лазаревска од Карпош.

Во категоријата родени 2014 година, првото место го освои Јован Пармачки од Берово, додека сребрениот медал му припадна на Илија Ѓорчески од Крушево.

Во женска конкуренција, Ангела Чавкар од Крушево беше најуспешна, а второто место го освои Марија Стефановска од Пехчево.

Прво и второпласираните од Државното првенство обезбедија пласман на големата меѓународна завршница на Плазма Спортските игри за млади, која од 17 до 22 август ќе се одржи во Сплит.

Плазма Спортските игри за млади се едно од најголемите аматерски спортски натпреварувања за деца и млади во Европа, со јасна мисија – бесплатен спорт и еднакви можности за секое дете. Покрај Македонија, Игрите се одржуваат и во Хрватска, Србија, Босна и Херцеговина и Словенија, а оваа година го слават својот голем јубилеј – 30 години пријателство, спорт и незаборавни спомени.