Здравко Мариќ, претседател организациски одбор на Plazma Спортските игри на младите
Преку спорт, дружење и едукација, Plazma Спортските игри на младите ги насочуваат децата и младите кон создавање здрави животни навики и одговорен однос кон себе и кон општеството.
Помагаме во создавање одговорни членови на нашето општество кои својата иднина ќе ја градат врз темелите на позитивните спортски вредности. Отсекогаш се водиме од светските примери во организацијата на натпреварувања и придружни настани, така што секоја година организираме повеќе од 150 придружни спортско-едукативни настани во соработка со локалните самоуправи, големи настани за отворање и затворање на игрите на кои присуствуваат повеќе од 20.000 луѓе со директен телевизиски пренос, како и големо финале на турнирот Coca-Cola Cup со директен телевизиски пренос. Сите настани се проследени со високо продукциско ниво, маркетинг и ПР кампањи што на спонзорите и градовите домаќини им носат значителна видливост и промоција. Успешниот модел на игрите од Хрватска го пренесовме и во Србија, Словенија и Босна и Херцеговина, каде секоја година бележиме пораст на бројот на учесници и на градови и општини кои сакаат да бидат домаќини на турнирите или настаните на игрите.
Свесни сме дека општествениот и економскиот развој зависи од одржливото управување со природните ресурси на нашата планета, ја признаваме природната и културната разновидност на светот и препознаваме дека сите култури и цивилизации се клучни фактори за одржлив развој. За да се постигнат целите, секој треба да го исполни својот дел од обврските: владите, приватниот сектор, граѓанското општество и секој од нас.
Поврзувањето со Plazma Спортските игри на младите на нашите партнери им носи повеќекратни придобивки. Ги поврзуваме сите наши чинители и ги вклучуваме во позитивната слика и углед што го градиме како промотор на здравиот начин на живот и општествените вредности кај децата и родителите. Затоа не изненадува што добиваме поддршка од бројни меѓународни организации, институции и истакнати поединци.
Во 30 години постоење поврзавме 3.440.000 деца и млади и извршивме влијание врз бројни генерации. И во иднина се обврзуваме преку спорт, едукација и силни медиумски активности да градиме одговорни поединци кои се темел на нашето општество.
